«Ніколі не быў супраць свабоднага выбару чалавека». Лукашэнка змякчыў пазіцыю адносна маршрутак
Выступаючы на Усебеларускім народным сходзе, Аляксандр Лукашэнка зноў звярнуўся да праблемы пасажырскіх перавозак унутры Беларусі.
Бачна, што Лукашэнку далажылі пра не вельмі станоўчую рэакцыю насельніцтва на выказаныя ім раней ідэі адносна замены маршрутак на аўтобусы, паколькі ён адзначыў: «Хачу, каб мяне пачулі і тыя, хто тыктокаецца ў гэтых тык-токах».
«Я ніколі не быў супраць свабоднага выбару чалавека, на чым яму перамяшчацца. Але калі людзі стаяць у чарзе, і грамадзяне да мяне звяртаюцца, я на гэта не мог не звярнуць увагу. Мы неадкладна зрабілі нямала аўтобусаў, электробусаў, на газаматорным паліве, рухавіках унутранага згарання, і запусцілі па маршруце. Выбірайце!», — заявіў Лукашэнка, адступіўшы ад сваёй папярэдняй пазіцыі, рэзка скіраванай супраць маршрутак як такіх.
Звярнуўся ён і да праблемы якасці айчынных аўтобусаў, на якую рэгулярна паступаюць скаргі ад замежных, перадусім расійскіх спажыўцоў:
«Няхай яна на працэнт-два прадукцыя будзе даражэйшая — МАЗы, БЕЛАЗы, МТЗ і гэтак далей. Але гэта павінен быць якасны прадукт! Вы бачыце, якая канкурэнцыя ідзе. У СМІ кожны раз: то там загарэўся аўтобус МАЗ, то яшчэ дзесьці яго падпалілі. Пачынаем разбірацца, а нічога не гарэла. Гэта канкурэнцыя. Нас проста такім чынам спрабуюць нахіліць і паказаць, што ў нас няякасная прадукцыя. Але ёсць пытанні і да нашай якасці. Трэба, каб іх не было!»
Электробусы пачнуць хадзіць у наступным годзе прыгараднымі маршрутамі
Міністр транспарту расказаў, як будуць выконваць загад Лукашэнкі разабрацца з маршруткамі
«А людзей спытаць?» Адны клянуць Лукашэнку за намер ліквідаваць маршруткі, іншыя хваляць
Для паездак з Мінска ў Барысаў і Жодзіна закупяць 15 дадатковых аўтобусаў
«Чаго з людзей здзекуецеся?!» Лукашэнка загадаў прыбраць маршруткі
Каментары
Выбірайце, дзе над вам будуць здзеквацца - колькі хочаце.