Тры чалавекі загінулі.
Сёння раніцай па горадзе Снежнае (Данецкая вобласць) быў нанесены авіяўдар. Разбураныя грамадзянскія аб'екты. Ёсць ахвяры сярод мірнага насельніцтва. Пра гэта паведамляе кіраўнік Цэнтра ваенна-палітычных даследаванняў Дзмітрый Тымчук.
«Паводле нашых звестак, з учорашняга дня (пасля таго, як тэрарысты збілі Ан-26 сіл АТА), авіяцыя ўкраінскіх сілавікоў вылетаў не выконвала. Адпаведна, дадзены авіяўдар не мог быць нанесены авіяцыяй украінскіх узброеных фармаванняў.
Таксама, паводле нашых звестак, тэрарысты не маюць у сваім распараджэнні авіятэхнікі, здольнай выконваць баявыя задачы. Хоць лідары баевікоў і расійскія СМІ сцвярджалі, што ў тэрарыстычнай арганізацыі «ДНР» нібыта з'явіліся баявыя самалёты і што яны выкарыстоўваліся ў Луганскай вобласці.
Такім чынам, авіяўдар па Снежнае магла нанесці толькі расійская авіяцыя, мяркуе Тымчук.
У сваю чаргу спікер АТА Уладзіслаў Селязнёў паведаміў, што ўкраінская вайсковая авіяцыя не здзяйсняла баявых вылетаў, не абстрэльвала ніводзін населены пункт.
Учора ўкраінцы прарвалі абарону баевікоў у раёне Снежнага. Важак тэрарыстаў Стралкоў (Гіркін) прызнаў, што ў адказ яны ажыццявілі атаку з ракетных установак «Град» па вёсцы Тараны, вызваленай украінцамі.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары