У Мінску ДАІ узмоцніць кантроль каля нерэгуляваных пешаходных пераходаў
З мэтай папярэджання гібелі пешаходаў і веласіпедыстаў у дарожна-транспартных здарэннях Дзяржаўтаінспекцыя Мінска ў перыяд з 21 па 31 ліпеня ўзмоцніць кантроль за ўдзельнікамі дарожнага руху блізу нерэгуляваных пешаходных пераходаў, асаблівая ўвага будзе надавацца нецвярозым удзельнікам дарожнага руху.
Пра гэта паведамілі ў аддзеле ДАІ Цэнтральнага раёна сталіцы.
Будзе праведзены шэраг растлумачальна-прафілактычных мерапрыемстваў, супрацоўнікі ДАІ наведаюць не толькі навучальныя ўстановы, але і спартыўныя секцыі па веласпорце, велаклубы і гурткі, каб у чарговы раз нагадаць веласіпедыстам пра неабходнасць выканання правілаў дарожнага руху. Не застанецца без увагі і выкарыстанне пешаходамі святлоадбіўных элементаў, а веласіпедыстамі камізэлек павышанай бачнасці.
У ДАІ паведамілі, што з пачатку года ў Беларусі адбылося 693 ДТЗ з удзелам пешаходаў, у якіх 68 чалавек загінулі, 41% здарэнняў адбыліся па віне саміх пешаходаў.
У Мінску за шэсць месяцаў гэтага года зарэгістраваныя 171 наезд на пешаходаў, у якіх загінулі 15 чалавек, 167 атрымалі раненні рознай ступені цяжару. Па віне саміх пешаходаў учынена 57 дарожна-транспартных здарэнняў, у выніку якіх дзевяць чалавек загінулі, 50 параненыя. Пры гэтым 21 пешаход знаходзіўся ў стане ап'янення.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк7
Каментары