Адкрыццё выставы «Драўляная архітэктура Гародні» — 18 верасня ў музеі Багдановіча
Гарадзенская драўляная спадчына стварае адметную, эстэтычна аформленую і камфортную гарадскую прастору.
У асноўным гэта жылыя будынкі, які належылі аднаму гаспадару. Таму яны адлюстроўваюць не толькі асаблівасці архітэктурнага стылю, але і густ уладальніка. Яны з’яўляюцца часткай каларытнай і рознабаковай гарадзенскай штодзённасці.
Вывучэнне драўлянай архітэктуры, яе прызначэння, размяшчэння, дэкаратыўных элементаў, колераў, стыляў дапамагае зразумець гараджаніна – жыхара будынка. На жаль, сёння драўляныя дамы ў Гародні знаходзяцца пад пагрозай знішчэння. Пад аховай дзяржавы знаходзяцца толькі драўляны лямус Брыгіцкага кляштара і драўляныя будынкі гістарычнага цэнтра. Драўляная спадчына ў Новым свеце, у так званай Рабочай калоніі, на Занёманскім фарштаце паступова разбураецца, страчвае сваю аўтэнтычнасць. Гэта значыць, што мы губляем сувязь і пераемнасць паміж пакаленнямі.
Гродна – горад дзяцінства Максіма Багдановіча. Як вядома, Адам Ягоравіч Багдановіч, бацька Максіма, пераехаў з сям’ёй з Мінска ў Гародню ў 1892, дзе да 1896 года яны жылі ў драўляным доме на Новым свеце. З гэтым перыядам звязаны як шчаслівыя, так і драматычныя моманты ў сямейным жыцці Багдановічаў, пра якія вельмі хораша распавядае музей Максіма Багдановіча ў Гародні, акурат размешчаны ў драўляным доме на Новым свеце.
Мэтай праекта «Драўляная архітэктура Гародні» з’яўляецца актуалізацыя драўлянай спадчыны, паказ яе непаўторнасці, мастацкай і гістарычнай каштоўнасці. Трэба абавязкова звярнуць увагу на магчымасці вярнуць аўтэнтычнасць пераробленым будынкам ці аднавіць разбураныя дамы. Неабходна садзейнічаць фарміраванню ўспрыняцця драўляных будынкаў як спадчыны, да якой патрэбна паважлівае і беражлівае стаўленне, а таксама спрыяць ператварэнню некаторых з іх у музеі, галерэі, мастацкія майстэрні…
Запрашаем усіх зацікаўленых на адкрыццё выстаўкі 18 верасня 2014 года ў 18.00 у Літаратурны музей Максіма Багдановіча.
г. Мінск, вул. М.Багдановіча, 7а, тэл.: 8 017 334 07 61
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары