Adkryćcio vystavy «Draŭlanaja architektura Harodni» — 18 vieraśnia ŭ muziei Bahdanoviča
Haradzienskaja draŭlanaja spadčyna stvaraje admietnuju, estetyčna aformlenuju i kamfortnuju haradskuju prastoru.
U asnoŭnym heta žyłyja budynki, jaki naležyli adnamu haspadaru. Tamu jany adlustroŭvajuć nie tolki asablivaści architekturnaha stylu, ale i hust uładalnika. Jany źjaŭlajucca častkaj kałarytnaj i roznabakovaj haradzienskaj štodzionnaści.
Vyvučeńnie draŭlanaj architektury, jaje pryznačeńnia, raźmiaščeńnia, dekaratyŭnych elemientaŭ, koleraŭ, stylaŭ dapamahaje zrazumieć haradžanina – žychara budynka. Na žal, siońnia draŭlanyja damy ŭ Harodni znachodziacca pad pahrozaj źniščeńnia. Pad achovaj dziaržavy znachodziacca tolki draŭlany lamus Bryhickaha klaštara i draŭlanyja budynki histaryčnaha centra. Draŭlanaja spadčyna ŭ Novym śviecie, u tak zvanaj Rabočaj kałonii, na Zaniomanskim farštacie pastupova razburajecca, stračvaje svaju aŭtentyčnaść. Heta značyć, što my hublajem suviaź i pierajemnaść pamiž pakaleńniami.
Hrodna – horad dziacinstva Maksima Bahdanoviča. Jak viadoma, Adam Jahoravič Bahdanovič, baćka Maksima, pierajechaŭ ź siamjoj ź Minska ŭ Harodniu ŭ 1892, dzie da 1896 hoda jany žyli ŭ draŭlanym domie na Novym śviecie. Z hetym pieryjadam źviazany jak ščaślivyja, tak i dramatyčnyja momanty ŭ siamiejnym žyćci Bahdanovičaŭ, pra jakija vielmi choraša raspaviadaje muziej Maksima Bahdanoviča ŭ Harodni, akurat raźmieščany ŭ draŭlanym domie na Novym śviecie.
Metaj prajekta «Draŭlanaja architektura Harodni» źjaŭlajecca aktualizacyja draŭlanaj spadčyny, pakaz jaje niepaŭtornaści, mastackaj i histaryčnaj kaštoŭnaści. Treba abaviazkova źviarnuć uvahu na mahčymaści viarnuć aŭtentyčnaść pieraroblenym budynkam ci adnavić razburanyja damy. Nieabchodna sadziejničać farmiravańniu ŭspryniaćcia draŭlanych budynkaŭ jak spadčyny, da jakoj patrebna pavažlivaje i bieražlivaje staŭleńnie, a taksama spryjać pieratvareńniu niekatorych ź ich u muziei, halerei, mastackija majsterni…
Zaprašajem usich zacikaŭlenych na adkryćcio vystaŭki 18 vieraśnia 2014 hoda ŭ 18.00 u Litaraturny muziej Maksima Bahdanoviča.
h. Minsk, vuł. M.Bahdanoviča, 7a, teł.: 8 017 334 07 61
Kamientary