У Брэсце падпісана пагадненне аб узаемадзеянні ў барацьбе са злачыннасцю паміж Беларуссю і Расіяй
15 верасня ў Брэсце падчас пасяджэння Аб'яднанай калегіі міністэрстваў унутраных спраў Саюзнай дзяржавы падпісана пагадненне паміж Беларуссю і Расіяй аб павышэнні эфектыўнасці ўзаемадзеяння ў барацьбе са злачыннасцю.
Аб гэтым паведамляецца на сайце беларускага МУС.
Дакумент падпісалі міністр унутраных спраў Беларусі Ігар Шуневіч і міністр унутраных спраў Расіі Уладзімір Калакольцаў.
Кіраўнік МУС Беларусі адзначыў, што з падпісаннем гэтага дакумента значна пашыраецца прававая база для супрацоўніцтва, папярэджання, выяўлення, спынення і раскрыцця злачынстваў. «У адпаведнасці з пагадненнем мы зможам спрасціць працэдуру накіравання запытаў аб аказанні такога садзеяння. Ужо ў найбліжэйшы час мы маем намер выпрацаваць парадак, па якім тэрытарыяльныя падраздзяленні нашых міністэрстваў будуць узаемадзейнічаць наўпрост», — адзначыў Шуневіч. Ён выказаў упэўненасць у тым, што заключэнне міждзяржаўнага пагаднення прывядзе да павышэння ўзроўню грамадскай бяспекі ў Беларусі і Расіі, будзе садзейнічаць выніковасці барацьбы з трансгранічнай злачыннасцю.
У сваю чаргу кіраўнік МУС Расіі адзначыў, што ў двух міністэрстваў сабраны вялікі вопыт сумеснай працы на ўсіх узроўнях — ад падраздзяленняў цэнтральных апаратаў да раённых аддзелаў, сумеснымі намаганнямі раскрываюцца цяжкія і асабліва цяжкія злачынствы. «Толькі падчас правядзення трох этапаў міждзяржаўнай аператыўна-прафілактычнай аперацыі «Вышук» на тэрыторыі Расіі затрымана 128 грамадзян, якія адшукваліся па ініцыятыве МУС Беларусі. У тым ліку 24 з іх — на тэрыторыі прыгранічных абласцей нашай краіны. Беларускія калегі ўстанавілі 61 чалавека, ініцыятарам вышуку па якіх выступала МУС Расіі», — паведаміў Калакольцаў.
Расійскі міністр адзначыў, што з інтэграцыяй трох краін у Еўразійскі эканамічны саюз 1 студзеня 2015 года ўводзіцца свабоднае перамяшчэнне тавараў, паслуг, капіталаў і рабочай сілы. «Гэта магутны імпульс для далейшага ўмацавання нашых узаемаадносінаў. Разам з тым у праваахоўнай сферы з'яўляюцца дадатковыя задачы. Мы абавязаны ўжо цяпер аб'ядноўваць нашы намаганні па процідзеянні новым выклікам і пагрозам», — падкрэсліў Уладзімір Калакольцаў.
Цяпер чытаюць
Пракуратура пра смерць Мелказёрава: журналіст меў хранічную хваробу2
Каментары