Аб'ёмы паставак расійскага газу ў краіны Еўрапейскага саюза і рэверс з ЕС ва Украіну нармалізаваліся.
Пра гэта паведаміла прэс-сакратар еўракамісара па энергетыцы Гюнтэра Этынгера Марленэ Гольцнер.
«Я шчаслівая паведаміць, што ўзровень газавых паставак з Расіі, Беларусі і Украіны ў ЕС быў сталым на працягу выхадных. Акрамя гэтага, пастаўкі ва Украіну з Польшчы, Славакіі і Венгрыі былі на нармальным узроўні на працягу выхадных», — адзначыла Гольцнер.
Нагадаем, 10 верасня аб зніжэнні на чвэрць аб'ёмаў паставак расійскага газу заявілі ў Польшчы і Германіі. З прычыны гэтага Польшча спыніла рэверс газу ва Украіну.
Раней у «Нафтагазе» адзначылі, што дэфіцыт газу ва Украіны складае 5-6 млрд куб. м.
Каментары