У Адміністрацыі прэзідэнта Украіны не пацвярджаюць інфармацыю, апублікаваную ў нямецкім СМІ, аб размове Пятра Парашэнкі і Жазэ Мануэля Барозу, у якой ён распавёў пра пагрозы прэзідэнта Расіі ўвесці войскі ў еўрапейскія сталіцы.
«Мы не пацвярджаем інфармацыю, распаўсюджаную ў газеце», — цытуе агенцтва «Інтэрфакс» прадстаўніка прэзідэнта Святаслаў Цеголко.
Ён сказаў, што ўкраінскі бок «негатыўна ставіцца да спекуляцыям, якія ставяць пад пагрозу намаганні ўсіх бакоў на шляху ўкаранення мірнага працэсу».
У Еўракамісіі адмовіліся каментаваць гэтую публікацыю ў СМІ і заявілі, што не праводзяць дыпламатыі праз СМІ.
У чацвер нямецкае выданне Süddeutsche Zeitung напісала пра размову прэзідэнта Пятра Парашэнкі з кіраўніком Еўракамісіі Жазэ Мануэлем Барозу, у якой ён нібыта распавёў аб сваіх перамовах з расійскім прэзідэнтам.
Як сцвярджае выданне, Уладзімір Пуцін у размове з украінскім прэзідэнтам нібыта сказаў, што «калі б захацеў, то расійскія войскі праз два дні маглі б быць не толькі ў Кіеве, але і ў Рызе, Вільні, Таліне, Варшаве або Бухарэсце».
Як піша выданне, прэзідэнт Парашэнка таксама паведаміў Барозу, што Пуцін папярэдзіў, што можа выкарыстаць свой уплыў і заблакаваць непажаданыя для Расіі рашэнні Еўрапейскай Рады.
Таксама: Прэс-сакратар Пуціна назваў «качкай» інфармацыю пра «заваёву Вільні, Варшавы, Бухарэста»
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»34
Каментары