Поўны перавод Мінска на падземныя крыніцы пітнога водазабеспячэння чакаецца не раней за 2020 год, паведаміла кансультант упраўлення камунальнай гаспадаркі Міністэрства жыллёва-камунальнай гаспадаркі Наталля Палякова на прэс-канферэнцыі ў Мінску 2 кастрычніка.
Паводле яе слоў, цяпер у Беларусі ва ўсіх населеных пунктах сістэма водазабеспячэння ажыццяўляецца з артэзіянскіх крыніц, за выключэннем прыкладна траціны насельніцтва сталіцы. У дамы Маскоўскага, Фрунзенскага і часткі Кастрычніцкага раёна вада паступае з паверхневай крыніцы - вадасховішча Крылава Вілейска-Мінскай воднай сістэмы — пасля папярэдняга абеззаражання (хларавання).
Нагадаем, прадстаўнікі ўладаў называлі ў розныя гады розныя тэрміны поўнага пераходу сталіцы на артэзіянскую ваду. Часцей за ўсё казалі пра 2015. Аднак Палякова паведаміла, што для пераходу на падземныя крыніцы плануецца пабудаваць водазабор «Вязанка», а таксама новыя вадаводы ад часткі існуючых водазабораў да размеркавальнай сеткі. У цяперашні час у рамках дзяржпраграмы «Чыстая вада» ідзе праектаванне водазабору, на што з 2011 да 2015 года з бюджэту Мінска плануецца выдаткаваць каля 500 млрд. рублёў. Гэта «маштабнае і дарагое мерапрыемства», сказала спецыяліст.
У цэлым асноўная праблема якасці пітной вады ў краіне - высокае ўтрыманне ў ёй жалеза. З мэтай памяншэння яго канцэнтрацыі ў апошнія пяць гадоў у Беларусі было пабудавана 52 станцыі абезжалезвання, а ўсяго ў краіне працуе 490 такіх станцый.
У Беларусі ў цяперашні час, сказала Палякова, цэнтралізаваным водазабеспячэннем з пітной вадой нарматыўнага якасці ў абласных і раённых цэнтрах забяспечана 97,7% насельніцтва. Плануецца, што да 2016 годзе гэты паказчык будзе 98,5%, а ў аграгарадках не менш за 80% жыхароў.
Цяпер чытаюць
Да «Дня народнага адзінства» памілавалі 25 чалавек4
Каментары