У навагоднюю ноч нацыянальны сьцяг залунаў над жылой пяціпавярхоўкай па вуліцы Кірава.
Уночы з 31-га сьнежня на 1-га студзеня нацыянальны беларускі сьцяг залунаў недалёка ад чыгуначнага вакзалу – над жылой пяціпавярхоўкай па вуліцы Кірава.
Віцебскі апазыцыянэр Барыс Хамайда распавёў Радыё Свабода, што з вартых даверу крыніц яму вядома пра цыдулку, якая была прымацаваная да сьцяга. Паводле спадара Хамайды, у ёй напісана: “Да народзінаў легендарнага камандзіра Наваградзкага коннага швадрону Барыса Рагулі. Слава беларускаму герою! Мірон”.
Барыс Хамайда згадаў, што Барыс Рагуля нарадзіўся 1 студзеня 1920 году, а ў беларускай гісторыі ён вядомы тым, што напрыканцы 1943 г. арганізаваў і ўзначаліў Наваградзкі конны эскадрон, які змагаўся з савецкімі партызанамі, а таксама бараніў насельніцтва ад рабаўніцтва з боку немцаў.
Бел-чырвон-белы сьцяг лунаў над Віцебскам больш за гадзіну – пакуль яго не зьнялі супрацоўнікі МНС, выкліканыя міліцыянтамі. Тым часам міліцэйскія машыны аб’яжджалі навакольныя двары, шукаючы няўлоўнага Мірона. Здымаць сьцяг давялося з дапамогай адмысловай машыны зь лесьвіцай, потым міліцыянты забралі яго з сабою ў пастарунак.
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце25
Каментары