Сайт інфармацыйнай кампаніі БелаПАН аднавіў працу. Сайт перастаў працаваць вечарам у суботу, аднавіўся ў нядзелю раніцай, але па абедзе 21 снежня зноў перастаў працаваць. Прычыны блакавання дамена — невядомыя. Сайт інтэрнет-выдання Naviny.by пакуль не даступны.
Учора рэдакцыя БелаПАН апублікавала заяву.
«20 снежня былі заблакаваныя IP-адрасы сайтаў belapan.by, belapan.com і naviny.by, якія належаць Беларускай інфармацыйнай кампаніі БелаПАН. Хто і па якой прычыне гэта зрабіў, дагэтуль невядома. Зразумела, аднак, што рашэнне аб блакіроўцы IP-адрасоў маглі прыняць толькі ўлады, паколькі ў Беларусі захоўваецца манаполія дзяржавы на прадастаўленне IP-адрасоў, — казалася ў заяве. —
Кампанія БелаПАН не атрымлівала ніякіх афіцыйных папярэджанняў ці апавяшчэнняў аб падрыхтоўцы блакіроўкі.
Папраўкі ў закон аб СМІ, якія дапускаюць блакіроўку сайтаў, набудуць моц толькі 1 студзеня 2015 года, але нават пасля гэтага для блакіроўкі патрэбны будуць законныя падставы. У цяперашніх умовах блакіроўку IP-адрасоў кампаніі БелаПАН мы расцэньваем як грубы замах на свабоду слова і СМІ ў Беларусі.
Мы робім усё для таго, каб атрымаць ад дзяржаўных органаў вычарпальную інфармацыю пра тое, хто і на якой падставе прымаў рашэнне аб блакіроўцы нашых сайтаў».
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні17
Каментары