Расія атрымае верталётаносцы класа «Містраль» толькі пры ўмове ўсталявання трывалага міру ва Украіне, заявіў міністр абароны Францыі Жан-Іў Ле Дрыан.
«Трэба, каб у гэтай частцы Еўропы ў поўнай меры выконвалася перамір'е. Таксама неабходна палітычная «дарожная карта». Усё гэта дазволіць спадзявацца на тое, што ў будучыні ўсталюецца спакой», — сказаў Ле Дрыан у эфіры радыёстанцыі Europe 1.
Паводле яго слоў, толькі пры такім развіцці падзей прэзідэнт Францыі разгледзіць пытанне аб тым, ці створаны неабходныя ўмовы для перадачы «Містраляў» Расіі.
«Я бачу, што намаганні ў гэтым кірунку робяцца, аднак пакуль іх нельга пацвердзіць фактамі, мы не можам прыняць рашэнне», - растлумачыў французскі міністр.
Кантракт на пастаўку двух верталёаносца «Містраль» быў заключаны паміж французскай кампаніяй DCNS і «Расабаронэкспарт» ў 2011 годзе. Планавалася, што першы карабель паступіць на ўзбраенне расійскага флоту ў 2014 годзе.
Зараз два верталетаносцы класа «Містраль» - «Уладзівасток» і «Севастопаль» — знаходзяцца ў порце Сен-Назэр.
У Сен-Назеры знаходзіліся і 400 расійскіх маракоў, якіх на працягу паўгода рыхтавалі да кіравання верталётаносца «Уладзівасток». Аднак у сярэдзіне снежня было прынята рашэнне вярнуць іх у Расію да Новага года.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3737
Каментары