Ва ўкраінскім добраахвотніцкім батальёне «Днепр-1» заявілі, што каардынаваны ім партызанскі атрад у ноч на 22 студзеня падарваў таварны цягнік у Луганскай вобласці, на якім сепаратысты перавозілі вугаль.
Пра гэта ў чацвер, 22 студзеня, паведамляе прэс-служба «Днепр-1».
«Цалкам знішчаныя два вагоны і частка чыгуначных пуцей на станцыі Чырвоная Магіла, паблізу Свярдлоўска Луганскай вобласці. Такім чынам, перапыненая чыгуначная сувязь паміж поўначчу Луганскай вобласці і Расійскай Федэрацыяй», —паведамілі ў прэс-службе ўкраінскага добраахвотніцкага батальёна.
У прэс-службе «Днепр-1» сцвярджаюць, што на падарваным партызанамі цягніку сепаратысты перавозілі вугаль на тэрыторыю Расіі.
Каментары