Пра гэта заявіў намесьнік старшыні партыі Алесь Міхалевіч.
Паводле яго слоў, такое рашэнне абумоўлена тым, што Міністэрства юстыцыі падало ў Вярхоўны суд іск аб ліквідацыі РГА «Перспектыва» пасля акцыі пратэсту прадпрымальнікаў, што прайшла ў Мінску 10 студзеня.
«Партыя БНФ цалкам падтрымлівае справядлівую барацьбу прадпрымальнікаў і наёмных работнікаў за сваё права на працу і за захаванне малога бізнесу ў Беларусі. Пра гэта сведчыць рэзалюцыя апошняга сойму партыі з падтрымкай патрабаванняў ІП, — сказаў А.Міхалевіч. — Мы рады, што прадпрымальнікі не здаюцца пад ціскам уладаў, а ідуць наперад і пачынаюць разумець, што іх правы могуць быць забяспечаны толькі ў выніку палітычных змен у краіне. Таму мы будзем вітаць стварэнне палітычнай сілы, арыентаванай на абарону малога бізнесу. Падкрэсліваю, што Партыя БНФ заўсёды гатова прыняць прадпрымальнікаў у свае рады».
Варта зазначыць, што раней намеснік старшыні савета РГА «Перспектыва» Вольга Круміна заяўляла: у выпадку ліквідацыі «Перспектывы» члены арганізацыі ініцыююць стварэнне палітычнай партыі прадпрымальнікаў. Калі ж зарэгістраваць новую партыю не атрымаецца, не выключаны варыянт далучэння да адной з дзейных апазіцыйных палітычных сіл, зазначыла В.Круміна.
Цяпер чытаюць
Мараканцаў, якія зладзілі бойку ў Гомелі, высылаюць з краіны. Перад гэтым правялі публічную цырымонію іх высылкі1
Каментары