У сувязі з новымі абставінамі [маецца на ўвазе двухразовае зніжэнне цаны на нафту] «Белнафтахім» не імкнецца дасягнуць цаны літра індыкатыўнага АІ-92 у 1 даляр.
Пра гэта паведаміў, адказваючы на пытанне пра перспектывы рознічнай цаны на паліва ў Беларусі, старшыня канцэрна Ігар Ляшэнка.
У цяперашніх умовах, па словах Ляшэнкі, «мы глядзім на цэны ў сумежных краінах і сусветную цану на нафту».
«Прывязка да курсу даляра была актуальная ва ўмовах, калі цана барэля нафты знаходзілася на ўзроўні 75 даляраў», — растлумачыў прадстаўнік «Белнафтахіма».
Цяпер, па прагнозах Ігара Ляшэнкі, рознічная цана на паліва будзе змяняцца дынамічна, і ў выпадку, калі цана нафты працягне падзенне — а сусветныя эксперты кажуць ледзь не пра мяжу ў 20 даляраў за барэль — то рознічная цана паліва «адэкватна будзе зніжацца».
Лукашэнка: Раман Пратасевіч — даўні супрацоўнік беларускай разведкі59
Каментары