Расійскі праграміст знайшоў магчымасць выдаліць усе відэа з Youtube
Але стрымаўся, паведаміў пра «дзіру» ў Google і атрымаў узнагароду.
Каміль Хісматулін, 22-гадовы жыхар Казані, знайшоў у Youtube «дзіру», што магла дазволіць выдаліць любое відэа з Youtube, а тое і ўсе відэа сэрвісу, распавядае TJournal.
Праграміст не захацеў славы Герастрата і не стаў карыстацца магчымасцю выдалення ўсіх відэа з Youtube.
Хісматулін працаваў праграмістам у казанскай студыі Flatstack. Ён вырашыў узяць удзел у праграме Google Vulnerability Research Grants, у якой праграмістам прапануецца шукаць памылкі ў сервісах Google (аванс складае 1337 даляраў).
Праграміста зацікавіў сэрвіс YouTube Creator Studio, што дазваляе кіраваць Youtube-каналам. У ім ён знайшоў памылку, што дазваляла атрымаць доступ да любога відэа на Youtube. У якасці доказу ён выдаліў уласнае відэа, нават не ўвайшоўшы на Youtube.
«Усяго даследаванне заняла ў мяне 6-7 гадзін — улічваючы тыя пару гадзін, што я змагаўся з жаданнем ачысціць YouTube-канал Джасціна Бібера, ха-ха», — піша ён у сваім блогу.
Google хутка прыняла справаздачу пра памылку, за некалькі гадзін закрыла «дзіру» і выплаціла ўстаноўленую ўзнагароду ў 5 тысяч даляраў звыш авансу.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары