Аргкамітэт па падрыхтоўцы і правядзенні «Чарнобыльскага шляху» адмовіўся ад правядзення мітынгу 26 красавіка (нядзеля) — няма сэнсу і занадта дорага, паведамляе belprauda.org.
7 красавіка ў штаб-кватэры Партыі БНФ адбылося першае пасяджэнне аргкамітэта па падрыхтоўцы і правядзенні «Чарнобыльскага шляху». Арганізатары зацвердзілі прыкладны маршрут акцыі: збор удзельнікаў запланаваны каля кінатэатра «Кастрычнік» з 14 да 15 гадзіны, адкуль удзельнікі акцыі з 15 да 16 гадзіны пройдуць шэсцем да Чарнобыльскай капліцы ў парку Дружбы народаў.
Ад мітынгу на плошчы Бангалор арганізатары адмовіліся.
Ужо вырашана, што заяўку ў Мінгарвыканкам падпішуць прадстаўнік руху салідарнасці «Разам» Ілля Дабратвор, старшыня Партыі БНФ Аляксей Янукевіч, сустаршыня аргкамітэта па стварэнні БХД Віталь Рымашэўскі, прадстаўнік Беларускай партыі «Зялёныя» Дзмітрый Кучук. Прадстаўнікі руху «За свабоду» Губарэвіч і ГА «Экадом» Таццяна Новікава пакуль не вызначыліся.
Арганізатары пададуць заяўку 10 красавіка.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі17
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары