З-за абрушэння пароды ў шахце ААТ «Беларуськалій» у Салігорску адзін праходчык загінуў, яшчэ адзін атрымаў сур'ёзныя траўмы, паведамляе Мінскае абласное ўпраўленне МНС.
Інцыдэнт адбыўся 25 красавіка.
«У 15.38 паступіла паведамленне пра абрушэнне пароды пры правядзенні работ па замене арак на адзнацы 264 м у шахце прамысловай пляцоўкі першага рудаўпраўлення «Беларуськалія», — праінфармавалі ва ўпраўленні МНС.
У выніку былі траўмаваныя праходчыкі горнапраходнага частка №1 ААТ «Трэст «Шахтаспецбуд».
Мужчына, 1978 года нараджэння ад атрыманых траўмаў памёр на месцы, яшчэ адзін (1970 года нараджэння) — шпіталізаваны з траўмамі рознай ступені цяжкасці.
Каментары