У Дзень сьвятога Валянціна «Стары Ольса» падорыць закаханым «Полацкі сшытак».
Напярэдаднi замежных гастроляў i фестывальных паездак адзiн з найбольш папулярных гуртоў сярэднявечнай музыкi «Стары Ольса» дасць у сталiчным Палацы прафсаюзаў сольны канцэрт. Адбудзецца гэта акурат у Дзень св. Валянцiна, 14 лютага.
У праграму будуць уключаны многiя танцы са славутага «Полацкага сшытка» — нотнага рукапiсу ХVII стагоддзя. Прычым выбар гэты музыканты зрабiлi наўмысна — не так даўно фактычны адкрывальнiк рукапiсу, беларускi прафесар Адам Мальдзiс, адзначыў сваё 75‑годдзе.
Акрамя таго, на канцэрце ўпершыню прагучаць некалькi твораў, якiя будуць уключаны ў чарговы альбом «Старога Ольсы» (запiс дыску пачнецца праз месяц). Гэта танцы i лютневыя творы беларускiх i заходнееўрапейскiх аўтараў ХV—ХVII стагоддзяў. Дарэчы, танцавальную падтрымку вечара забяспечыць — i пакажа гледачам аўтэнтычныя адметныя па — тэатр сярэднявечных мiнiяцюр «Яварына».
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?12
Каментары