Прыняты Закон аб альтэрнатыўнай службе: з вышэйшай адукацыяй будуць служыць 2 гады, без вышэйшай — 3
Яго асноўныя палажэнні ўступаюць у сілу з 1 ліпеня 2016 года. Пра гэта паведамляе Нацыянальны цэнтр прававой інфармацыі Рэспублікі Беларусь.
Выбраць альтэрнатыўную службу змогуць тыя, хто не можа насіць зброю з-за рэлігійных перакананняў.
Яны будуць праходзіць службу ў арганізацыях аховы здароўя, сацыяльнай сферы, жыллёва-камунальнай, сельскай і лясной гаспадаркі, у арганізацыях, якія займаюцца добраўпарадкаваннем тэрыторый, будаўніцтвам і рамонтам дарог і чыгуначных шляхоў, пры ліквідацыі стыхійных і тэхнагенных бедстваў.
Для замены вайсковай службы на альтэрнатыўную трэба не пазней чым за 10 дзён да канца прызыву звярнуцца з пісьмовай заявай у прызыўную камісію.
Гэта заява будзе разгледжана на пасяджэнні прызыўной камісіі ў прысутнасці заяўніка. Акрамя таго, на такое пасяджэнне могуць быць запрошаны «прадстаўнікі рэлігійных і іншых арганізацый, іншыя грамадзяне, якія могуць даць тлумачэнні па сутнасці заявы». Калі прызыўная камісія палічыць падставы дастатковымі, яна дазволіць прайсці альтэрнатыўную службы замест звычайнай.
Арганізацыю, у якой грамадзянін будзе праходзіць альтэрнатыўную службу, а таксама дату пачатку праходжання альтэрнатыўнай службы будзе вызначаць Міністэрства працы і сацыяльнай абароны.
Асобы з вышэйшай адукацыяй будуць служыць 24 месяцы, без вышэйшай адукацыі — 36 месяцаў.
Альтэрнатыўнікам будуць плаціць 150% ад найбольшай велічыні бюджэту пражытачнага мінімуму ў сярэднім на душу насельніцтва (памер БМП на сёння складае 1 474 870 рублёў, таму альтэрнатыўнік будзе атрымліваць каля 2,1 мільёна). З 13-га месяца службы ўтрыманне павышаюць на 20% бюджэту пражытковага мінімуму, з 25-га месяца — на 40%.
Закон забараняе «альтэрнатыўнікам» браць удзел у забастоўках, займацца паралельна іншай аплатнай дзейнасцю ці працай, ажыццяўляць прадпрымальніцкую дзейнасць.
Звальняюць з альтэрнатыўнай службы па хваробе (у выпадку прызнання непрыдатнымі да ваеннай службы ў мірны час) або ў выпадку пазбаўлення волі.
-
Блогер «Жыве», якога вызвалілі ў Беларусі праз літоўскае грамадзянства: Я пабачыў пісталет, накіраваны на мяне, і на дыскусіі ўжо не было часу
-
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў
-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads12
Каментары