Microsoft разагнала кіраўніцтва мабільнага падраздзялення
Замест асобнага мабільнага падраздзялення створаная каманда па ўсіх прыладах і аперацыйных сістэмах.
Карпарацыю Microsoft пакіне шэраг ключавых фігур, у тым ліку начальства мабільнага падраздзялення. Як паведамляецца на сайце Microsoft, будзе створанае новае падраздзяленне Windows and Devices Group, адказнае адначасова за аперацыйную сістэму і ўсімі прыладами, што працуюць на аперацыйных сістэмах кампаніі.
Microsoft пакінуў былы гендырэктар Nokia Стывен Элап, віцэ-прэзідэнт Microsoft Mobile Джо Харлоў (якая прыйшла ў Microsoft разам з Элапам), Марк Пэн, адказны за кампанію дыскрэдытацыі Google «Scroogled», віцэ-прэзідэнт па бізнес-рашэннях Кірыла Татарынаў і віцэ-прэзідэнт па стратэгіі Эрык Рудэр.
«Гэтыя змены дазволяць нам пастаўляць лепшыя прадукты і паслугі, што палюбіліся нашым кліентам, у больш хуткім тэмпе», — пракаментаваў кадравыя перастаноўкі гендырэктар Microsoft Сат’я Надэла.
***
Microsoft некалі была адным з лідараў на рынку мабільных аперацыйных сістэм з Windos Mobile. З выхадам iPhone і аперацыйнай сістэмы iOS, а затым і Android ад Google, кампанія згубіла лідарства. На сёння доля Windows Phone на рынку смартфонаў складае каля 2,7%.
У 2013 годзе Microsoft набыла тэлефоннае падраздзяленне Nokia і ліквідавала брэнд смартфонаў Nokia, гендырэктар Nokia Стывен Элап перайшоў на працу ў Microsoft. Элапа называлі «траянскім канём» у Nokia — маўляў, ён давёў кампанію да «здачы» Microsoft.
Nokia тым часам страціла права выпускаць пад сваім брэндам смартфоны і перайшла да выпуску «званілак», тэлекамунікацыйнага абсталявання і клонаў iPad. Увесну 2015 года Nokia абвясціла аб пакупцы за 15 млрд еўра тэлекамунікацыйнай кампаніі Alcatel-Lucent.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас18
Каментары