У Гаване і Вашынгтоне 20 ліпеня упершыню больш, чым за 50 гадоў зноў адкрываюцца пасольствы ЗША і Кубы.
Адносіны паміж дзвюма краінамі былі замарожаныя ў 1961 годзе, калі ЗША разарвалі дыпламатычныя адносіны з Кубай і ўвялі эмбарга на гандаль з гэтай краінай.
З 1977 года ў ЗША і на Кубе дзейнічалі дыпламатычныя місіі, якія называлі «місіяй інтарэсаў». Гэтыя дыпламатычныя місіі дзейнічалі пад абаронай Швейцарыі. Аднак яны не мелі статусу пасольства.
У канцы 2014 года ЗША і Куба пачалі дыпламатычнае збліжэнне.
У красавіку прэзідэнт ЗША прыняў рашэнне выключыць Кубу з спісу дзяржаў-спонсараў тэрарызму.
Пазней кіраўнік дзяржсавета Кубы Рауль Кастра заявіў, што для аднаўленьня нармальных узаемаадносін паміж краінамі неабходна цалкам адмяніць эмбарга, уведзенае прэзідэнтам Джонам Кенедзі ў 1960 годзе.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты17
Каментары