У гэтым годзе самы атмасферны і душэўны фестываль лета пройдзе 8-га жніўня на зялёным лузе насупраць Мірскага Замка. Арганізатары ўжо аб’явілі поўны спіс музыкаў, якія выступяць на фэсце.
«Разыначкай» фестывалю будзе праект ONUKA. Украінскі электра-фолк гурт, які стаў самым яркім і паспяховым адкрыццем на ўкраінскай сцэне ў 2014 годзе.
Продажы і рэйтынг іх дэбютнага альбома ў iTunes апярэдзілі групу «Акіян Эльзы». ONUKA — гэта неверагодны сінтэз электронікі і фолку.
Яшчэ адзін госць з Украіны — гэта DaKooka. Таленавітая вакалістка, аўтар і выканаўца, піаністка і dj. Яе творчасць – гэта сінтэз розных музыкальных кірункаў: trip-hop, experimental, indie, pop, drum’n’bass. Нядаўна DaKooka выпусціла свой дэбютны альбом «Radha» і прэзентуе яго разам з DaKooka live band. Іх жывыя выступы — гэта заўседы шоў, якое уражвае да глыбіні душы, таму прапускаць такое не рэкамендуем.
На фэсце зноў выступяць Ніно Катамадзэ & Insight. У гэтым годзе яны прэзентуюць асаблівую праграму, таму што выступяць у суправаджэнні струннага квартэту «N».
Вельмі цікавы расійскі гурт «НААДЯ» таксама прыедзе на Mirum. Гурт называюць самай прыкметнай з’явай на незалежнай сцэне Расіі за апошнія гады.
Беларусь прадставяць Shuma — вельмі цікавы музыкальны праект, унікальны для беларускай сцэны. Дарэчы, 13 ліпеня яны выпусцілі дэбютны альбом «žnivo», які спалучыў у сабе народныя песні і сучасную еўрапейскую электронную музыку.
За драйв на фестывалі будуць адказваць Нагуаль — шаманскія рок’н’рольшчыкі, этнічныя сюррэалісты і просто музыкі, якія выпрацоўваюць тонны энергіі. Нас чакае новы праект Таццяны Гарошка (aka Tanin Jazz) — Take the Cookies з арыгінальным матэрыялам у стылі ню-дыска, слоў-дыска і інды ў спалучэнні з прыгожымі тэкстамі Алены Аракелян. І яшчэ адзін гурт, які будзе радаваць нас на фестывалі — гэта Dzierzynski bitz. Украінскі калектыў, які паспяхова спалучае ў сваей творчасці рамантыку, лоск сучаснага нью-вейву, джазавыя акорды і надзвычайны шарм вінтажнага гуку.
У гэтым годзе прадугледжана арганізацыя бас-тураў з чатырох гарадоў: Брэста, Гродна, Гомеля і Менска. Госці з іншых гарадоў змогуць даехаць з Менску на маршрутных таксі, а таксама на электрычцы. На фестывалі будзе прадугледжана зона фуд-корта. Ужо вядома, што ўдзельнікамі фуд-корту будуць штукарская пякарня і цукерня «Жорны», фалафелі «ележжеле», чыпсы, зробленыя па тэхналогіі «спіральная картошка», традыцыйня мірския «Dranik-on-the-go»яшчэ шмат усялякай найсмачнейшай ежы і напіткаў. Арганізатары абяцаюць, што галодным фестываль не пакіне нікога. Застацца на ноч госці змогуць у адной з трох аграсядзібаў і, як і летась, будзе прапанавана спецыяльная тэрыторыя пад намётавы гарадок.
Квіткі на фестываль можна купіць на сайце і ў касах kvitki.by па ўсёй Беларусі. Больш інфарма цыі пра фестываль вы можаце знайсці на афіцыяльным сайце фестывалю mirummusicfestival.by, а таксама ў афіцыяльных суполках фестывалю ў facebook і вконтакте.
-
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
-
«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі
-
Ходзіць легенда, што Озі Осбарн адкусіў галаву жывому кажану. А што ж адбылося насамрэч?
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2020
Каментары