Красамоўнае і шчырае фота, якое без слоў распавяло гісторыю з'яўлення на свет аднаго дзіцяці, сабрала больш за 11 мільёнаў праглядаў у фэйсбуку і пацягнула шквал абмеркаванняў.
Чорна-белую фатаграфію выклала на сваёй старонцы ў фэйсбуку яе аўтарка, Хелен Карміна, не называючы імя сваёй гераіні.
Фатограф і сама цяпер носіць пад сэрцам малога. Асабіста для яе сіла гэтай фатаграфіі — у кантрасце паміж пакутай і хараством.
«Неймаверна шмат жанчын саромеюцца сваіх шнараў і вымушаныя адчуваць сябе так, быццам не выканалі сваю працу належным чынам, бо не нарадзілі дзіця натуральным шляхам», — адзначыла Карміна.
На сваёй старонцы фатограф папрасіла людзей ўстрымацца ад абразлівых і грубых каментароў, а тых, каму фота не падабаецца — не глядзець.
Цяпер чытаюць
Мінчук забіў маці і цесця, а пасля 15 гадоў атрымліваў за іх пенсію1
Каментары