Санітарна-эпідэміялагічная служба Мінска абвергла інфармацыю аб масавым захворванні дзяцей у аздараўленчым лагеры «Лясны».
У Мінскі гарадскі цэнтр гігіены і эпідэміялогіі патэлефанавала занепакоеная жанчына, якая паведаміла, што ў аздараўленчым лагеры «Лясны» масава хварэюць дзеці. Гэтую інфармацыю апублікавалі некаторыя інтэрнэт-парталы, паведаміўшы, што ў лагеры ўжо захварэлі больш за 70 чалавек.
Па словах галоўнага санітарнага доктара сталіцы Наталлі Жукавай, спецыялісты цэнтра выехалі ў лагер. Медыкі агледзелі ўсе памяшканні, праверылі рэжым уборкі харчаблока, пакояў, санвузлоў, абследавалі і апыталі персанал і дзяцей. «Цяпер у ізалятары лагера знаходзяцца двое дзяцей з папярэднім дыягназам «вострая рэспіраторная інфекцыя», — сказала Наталля Жукава. - Праверкі летніх аздараўленчых лагераў будуць працягнутыя да апошняга дня знаходжання дзяцей на адпачынку, што з'яўляецца шматгадовай практыкай працы санітарна-эпідэміялагічнай службы горада».
Акрамя таго, у лагер «Лясны» прыехалі спецыялісты санэпідслужбы Маладзечанскага раёна, якія пасля праверкі таксама абверглі інфармацыю аб масавым захворванні дзяцей.
Каментары