Прэм'ер-міністр Украіны Арсеній Яцанюк заявіў, што яго краіна мае намер запатрабаваць у Расіі не менш за $50 млрд (каля трыльёна грыўняў) за анексаваныя Крым і разбураны Данбас.
Украінскі прэм'ер адзначыў, што зараз Кіеў рыхтуецца да юрыдычнай вайны з Расіяй. Акрамя кампенсацый прадметам судовага разбору можа стаць адмова Масквы рэструктураваць Украіне яе доўг у 3 млрд даляраў.
Яцанюк заклікаў Расію вызначыцца з пазіцыяй у дачыненні да рэструктурызацыі доўгу да 29 кастрычніка. Паводле яго слоў, Кіеў прапануе Маскве рэструктурызаваць і часткова спісаць запазычанасць. Іншых умоў, па словах прэм'ера, Расія не атрымае.
Расійскія ўлады раней адмовіліся рэструктураваць доўг і заявілі, што Украіна павінна пагасіць яго ў поўным аб'ёме. У той жа час іншыя крэдыторы Кіева пайшлі яму на саступкі ў сувязі з цяжкай эканамічнай сітуацыяй у краіне.
Прэс-сакратар расійскага прэзідэнта Уладзіміра Пуціна Дзмітрый Пяскоў пацвердзіў, што пазіцыя Расіі ў дачыненні да доўгу не зведала змен. Яго таксама здзівіла намер запатрабаваць кампенсацыю. «Крым — гэта тэрыторыя Расіі. Данбас — гэта тэрыторыя Украіны. Прычым тут трыльён?» — сказаў ён.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары