У аўторак Аляксандар Лукашэнка правёў нараду па пытаньні ўмацаваньня абароназдольнасьці, правапарадку і бясьпекі дзяржавы. Ці ня ўся прамова першай асобы дзяржавы была збудаваная зьнешняй небясьпецы, якая хутка можа пагражаць нашай краіне.
Найперш Лукашэнка даў уласную ацэнку дыпляматычнаму скандалу між Беларусьсю і ЗША.
«Адразу хачу сказаць, што для краіне гэта не забойча. Жылі мы да гэтага, цяпер жывём ва ўмовах іх так званых санкцый і жыць будзем».
Лукашэнка ўспомніў, што пры вывадзе зь Беларусі ядзернай зброі ЗША абяцала абараняць незалежнасьць нашай краіны, а таксама не прымяняць эканамічных ці нейкіх іншых санкцый. Таму кіраўнік дзяржавы ўпэўнены, што уводзячы санкацыі супраць «Белнафтахіму» ЗША паказалі «цынічнае стаўленьне да міжнароднага права».
Кажучы пра пытаньне ўсталяваньня ў Эўропе сыстэмаў супрацьракетнай абароны Лукашэнка адзначыў:
«Гэта падрывае стратэгічную стабільнасьць. Бліжэйшым часам мы можам апынуцца ў новай, больш напружанай абстаноўцы ў сьвеце і вакол Беларусі, што патрабуе адэкватнага рэагаваньня з улікам нашых нацыянальных інтарэсаў».
На думку Лукашэнкі, сытуацыя з абвяшчэньнем незалежнасьці Косава прадэманстравала «двайныя стандарты многіх дзяржаў».
«Зьявіўся фактычна яшчэ адзін гарачы пункт на мапе плянэты. Сёньня ў Косаве фактычна ідуць баі. Усё гэта вядзе да зьменаў сучаснай архітэктуры эўрапейскай бясьпекі», — падкрэсьліў Лукашэнка.
Галоўнакамандуючага таксама хвалюе, што афіцэрскі склад больш гаворыць не пра абарону краіны, а пра свой інтарэс.
«Такіх афіцэраў я не разумею. Пацьвярджаю, што кожны павінен жыць нармальна, але ні ў аднаго афіцэра гэта не павінна быць на першым пляне».
Цяпер чытаюць
Як выглядаюць кватэры з сацыяльным рамонтам для чаргавікоў і колькі за іх просяць2
Каментары