Следчыя выкрылі банду, якая здзейсніла разбойны напад у масках і серыю крадзяжоў ў Пастаўскім раёне
Віцебскімі следчымі выкрыта злачынная група, якая ўчыніла серыю крадзяжоў і разбойны напад на 85-гадовую бабулю ў Пастаўскім раёне.
У сакавіку 2014 года ў Пастаўскім раёне адбыўся разбойны напад на састарэлую жанчыну. Трое невядомых, загадзя размеркаваўшы ролі, хаваючы твары пад спецыяльна вырабленымі маскамі з прарэзамі для вачэй, выставілі аконнае шкло і праніклі ў дом пацярпелай. У доме яны збілі 85-гадовую жанчыну, сцягнулі яе дабро і ўцяклі, паведамляе афіцыйны прадстаўнік УСК па Віцебскай вобласці Іна Гарбачова.
Старая не змагла пэўна апісаць тых, хто нападаў, таму знайсці зламыснікаў па гарачых слядах міліцыя не змагла.
Тым часам, на тэрыторыі Пастаўскага раёна адбылася серыя крадзяжоў з сельскіх крамаў.
Пасля закрыцця крамы з дапамогай спецыяльных прыстасаванняў невядомыя перакусвалі драты сігналізацыі і адціскалі ўваходныя дзверы крамы. Злачынцы выкрадалі прадукты харчавання і пакінутую ў касе выручку.
Ацэнка канфіскаваных з месцаў здарэнняў рэчавых доказаў, аналіз аператыўнай абстаноўкі, якая склалася на тэрыторыі раёна, выкарыстанне аднолькавых сродкаў злачынства дазволілі следчым зразумець, што ў Пастаўскім раёне дзейнічае злачынная група і што серыя крадзяжоў і разбойны напад на старую былі здзейсненыя аднымі і тымі ж асобамі.
Па падазрэнні былі затрыманыя 22- і 27-гадовы стрыечныя браты, якія пражываюць у Пастаўскім раёне, а таксама іх 28-гадовы знаёмы. Усе трое раней не былі судзімыя.
Цяпер іх абвінавачваюць па частцы 2 артыкула 205 (крадзеж, учынены групай асоб), частцы 2 артыкула 207 (разбой, учынены з пранікненнем у жыллё, групай асобаў) КК. Крымінальная справа перададзена пракурору для накіравання ў суд.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою23
Каментары