Зборная Украіны перамагла ў Львове зборную Славеніі з лікам 2:0 (Ярмоленка, 23, Селязнёў, 54) у матчы плэй-оф да чэмпіянату Еўропы па футболе.
Матч у адказ пройдзе ў аўторак у Славеніі.
Сёння свой першы матч згуляюць зборныя Швецыі і Даніі (22:45).
Учора Боснія і Ірландыя згулялі ўнічыю — 1:1.
У чацвер Венгрыя перамагла ў гасцях Нарвегію з лікам 1:0. Матч у адказ паміж гэтымі каманда пройдзе ўжо ў нядзелю.
ЧЕ па футболе павінен прайсці ў Францыі з 10 чэрвеня па 10 ліпеня 2016 г. Упершыню ў ім возьмуць удзел 24 каманды, з 1996 г. на Еўра гулялі па 16 зборных.
20 камандаў пуцёўкі ўжо заваявалі: Чэхія, Ісландыя, Турцыя, Бельгія, Уэльс, Іспанія, Славакія, Германія, Польшча, Англія, Швейцарыя, Паўночная Ірландыя, Румынія, Аўстрыя, Расія, Італія, Харватыя, Партугалія, Албанія, а таксама зборная Францыі як гаспадыня спаборніцтваў.
Лёсаванне павінна прайсці 12 снежня ў Парыжы, калі нічога кардынальна не зменіцца. Як вядома, у ноч на суботу ў Парыжы здарыліся тэракты, і пытанне бяспекі выйшла на першы план.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?7
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць77
Каментары