Паводле вынікаў лістапада 2015 года золатавалютныя рэзервы Беларусі ў вызначэнні стандарту МВФ скараціліся на 82,7 млн даляраў і, згодна з папярэднімі звесткамі, на 1 снежня склалі 4 млрд 584 млн даляраў ЗША ў эквіваленце.
У нацыянальным вызначэнні золатавалютныя рэзервы зменшыліся на 248,3 млн даляраў і на 1 снежня склалі 4 млрд 911,6 млн даляраў у эквіваленце. У склад ЗВР у нацыянальным вызначэнні дадаткова ўключаюцца рэзервовыя актывы ў расійскіх рублях і кітайскіх юанях, а таксама каштоўныя камяні і розныя віды каштоўных металаў.
Як паведамляе прэс-служба Нацыянальнага банка, на зніжэнне аб'ёму золатавалютных рэзерваў паўплывалі значнае змяншэнне кошту золата на міжнародным рынку каштоўных металаў, а таксама пагашэнне ўрадам і Нацбанкам знешніх і ўнутраных абавязацельстваў у замежнай валюце ў поўным аб'ёме.
Падтрыманню золатавалютных рэзерваў спрыялі паступленне сродкаў ад продажу Нацыянальным банкам аблігацый, намінаваных у замежнай валюце, і паступленні ад збірання экспартных пошлін на нафтапрадукты.
У жніўні на прэс-канферэнцыі ў Мінску кіраўнік Нацбанка Павел Калаур заявіў, што да канца 2015 года аб'ём золатавалютных рэзерваў Беларусі захаваецца на наяўным узроўні (на той перыяд прыкладна 4,7 млрд даляраў)
Дзмітрый Лукашэнка хоча паставіць пад кантроль усе мабільныя тэлефоны11
Каментары