«Дзе гэтая гніда?» — у новай рэкламе «Танкаў» бацька замуроўвае сына ў шафе, каб гуляцца ў камп
У інтэрнэце пашыраецца новая рэклама гульні World of Tanks, у якой Вадзім Галыгін гуляе ў хованкі са сваім «сынам» і ў выніку замуроўвае малога ў шафе, каб той не замінаў бацьку гуляцца ў «танкі».
«Валера, Валера, нас*ы яму ў дула!» — крычыць «бацька», гуляючы ў «танкі», пакуль ягоны сын глядзіць на гэта праз шчыліны ў шафе.
Сёння, пасля таго, як гэты ролік пераставілі буйныя інфармацыйныя сайты, яго адусюль выдалілі.
Многія карыстальнікі негатыўна адрэагавалі на рэкламу. Яе асудзілі за залішнюю жорсткасць і гвалт у дачыненні да дзіцяці, паведамляе 42.tut.by.
«Ролік сапраўды наш, — патлумачыў Максім Калтанюк, PR-дырэктар Wargaming. — Аднак мы не планавалі яго выпускаць з прычыны неадпаведнасці каштоўнасцям нашай кампаніі і каштоўнасцям нашых гульцоў.
Мы выдатна разумеем, што значная частка нашых гульцоў — людзі сямейныя. Па збегу абставінаў адна з ітэрацый роліка выцекла ў сеціва. З нашага боку былі прынятыя меры па выдаленні, аднак вірусны эфект адыграў сваю ролю. Нам вельмі шкада, што адбылася такая сітуацыя, і мы выбачаемся».
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах1
Памерла палітзняволеная Алена Панкова. Паўгода назад яе асудзілі за ўдзел у пратэстах
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары