Заснавальніца бразільскага Femen змяніла погляды і папрасіла прабачэння ў хрысціян
Заснавальніца бразільскага аддзялення радыкальнага феміністычнага руху Femen Сара Фернанда Жыраміну выбачылася за выказванні пагарды да царквы падчас шырокавядомых «топлес-пратэстаў».
Са слоў жанчыны, яна перагледзела сваё стаўленне да радыкальнага фемінізму, калі нарадзіла дзіця. Першае сваё дзіця яна забіла шляхам аборту.
«Я пакаялася за тое, што зрабіла аборт і сёння прашу прабачэння», — напісала Сара Фернанда ў сваім блогу.
У прыватнасці, яна выбачаецца за эпізод, калі ў 2014 годзе наўмысна цалавалася з іншай паўаголенай дзяўчынай перад каталіцкім касцёлам у Рыа-дэ-Жанэйра.
Фота стала сімвалам пагарды гомасэксуалістаў да хрысціянства.
«Хто не бачыў, як феміністкі ў гістэрычнай нянавісці лаюць веруючых жанчын? Хто не чуў, як феміністкі жадалі нязгодным з імі жанчынам, каб іх згвалцілі? Што здарылася з бразільскім фемінізмам? Калі ён прыйшоў да нянавісці супраць іншых жанчын?» — рытарычна пытаецца жанчына, згадваючы шматлікія выпадкі падчас публічных дэманстрацый і пікетаў радыкальных феміністак.
«Пакуль вы кідаеце праклёны ў бок іншых жанчын, манахіні рызыкуюць жыццём, ратуючы ахвяр і хворых. Пакуль вы ладзіце свае клоўнскія пратэсты (я сама такой была), вернікі дапамагаюць ахвярам згвалтаванняў, цяжарным і тым, жыццё якіх знаходзіцца ў небяспецы. Феміністкі, вам трэба шмат вучыцца ў веруючых жанчын», — дадае Сара Фернанда Жыраміну.
У Паўднёвай Амерыцы часам дэманстрацыі радыкальных феміністак і гей-актывістаў набываюць агрэсіўны характар.
«Я пакінула рух, адным з галоўных сімвалаў якога ў Бразіліі была чатыры гады. Вынік? Я цяпер нашмат шчаслівейшая і здольная лепш дапамагаць жанчынам», — заключае экс-лідер Femen.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак4
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары