Zasnavalnica brazilskaha Femen źmianiła pohlady i paprasiła prabačeńnia ŭ chryścijan
Zasnavalnica brazilskaha adździaleńnia radykalnaha fieministyčnaha ruchu Femen Sara Fiernanda Žyraminu vybačyłasia za vykazvańni pahardy da carkvy padčas šyrokaviadomych «toples-pratestaŭ».
Sa słoŭ žančyny, jana pierahledzieła svajo staŭleńnie da radykalnaha fieminizmu, kali naradziła dzicia. Pieršaje svajo dzicia jana zabiła šlacham abortu.
«Ja pakajałasia za toje, što zrabiła abort i siońnia prašu prabačeńnia», — napisała Sara Fiernanda ŭ svaim błohu.
U pryvatnaści, jana vybačajecca za epizod, kali ŭ 2014 hodzie naŭmysna całavałasia ź inšaj paŭaholenaj dziaŭčynaj pierad katalickim kaściołam u Rya-de-Žanejra.
Fota stała simvałam pahardy homaseksualistaŭ da chryścijanstva.
«Chto nie bačyŭ, jak fieministki ŭ histeryčnaj nianaviści łajuć vierujučych žančyn? Chto nie čuŭ, jak fieministki žadali niazhodnym ź imi žančynam, kab ich zhvałcili? Što zdaryłasia z brazilskim fieminizmam? Kali jon pryjšoŭ da nianaviści suprać inšych žančyn?» — rytaryčna pytajecca žančyna, zhadvajučy šmatlikija vypadki padčas publičnych demanstracyj i pikietaŭ radykalnych fieministak.
«Pakul vy kidajecie praklony ŭ bok inšych žančyn, manachini ryzykujuć žyćciom, ratujučy achviar i chvorych. Pakul vy ładzicie svaje kłoŭnskija pratesty (ja sama takoj była), vierniki dapamahajuć achviaram zhvałtavańniaŭ, ciažarnym i tym, žyćcio jakich znachodzicca ŭ niebiaśpiecy. Fieministki, vam treba šmat vučycca ŭ vierujučych žančyn», — dadaje Sara Fiernanda Žyraminu.
U Paŭdniovaj Amierycy časam demanstracyi radykalnych fieministak i hiej-aktyvistaŭ nabyvajuć ahresiŭny charaktar.
«Ja pakinuła ruch, adnym z hałoŭnych simvałaŭ jakoha ŭ Brazilii była čatyry hady. Vynik? Ja ciapier našmat ščaśliviejšaja i zdolnaja lepš dapamahać žančynam», — zaklučaje eks-lidier Femen.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha2
Kamientary