«Другі беларускі фронт»: Лента.ру палохае расіян беларускімі патрыётамі
Расійскі рэсурс Lenta.ru апублікаваў артыкул нейкага Паўла Юрынцава пад двухсэнсоўным загалоўкам «Другі беларускі фронт».
У матэрыяле аўтар выказвае заклапочанасць «выступамі беларускіх нацыяналістаў».
«Ідэі беларускіх нацыяналістаў падобныя да ідэй польскіх, украінскіх і літоўскіх нацыяналістаў», — кажа аўтар.
«Таксама патрыёты (Беларусі) лічаць беларускімі шэраг сучасных тэрыторый Расіі», — сцвярджае Павал, з чаго вынікае, што беларускі патрыёт — гэта вораг Расіі.
«Назіральнікі ўнутры краіны даўно адзначаюць, што беларускія ўлады ўзялі на ўзбраенне гістарычныя сімвалы, якія раней былі пад негалоснай забаронай, якімі традыцыйна карыстаецца нацыяналістычная апазіцыя», — піша аўтар са спасылкай на нейкіх «назіральнікаў».
Асаблівую ўвагу Павал Юрынцаў надае клубу «Ваяр», параўноўваючы яго з «Правым сектарам».
А атрад «Пагоня», паводле Ленты.ру, без малога «арганізаваў адпраўку моладзі на ўсход Украіны».
Заклапочанасць аўтара таксама выклікае тое, што беларускіх дабраахвотнікаў, што едуць ваяваць за Украіну, адзінадушна падтрымлівае беларуская інтэлігенцыя.
Разам з гэтым Павал перакананы, што папулярызацыя вышыванкі і яе прасоўванне ў грамадскае жыццё адбываецца пад непасрэдным кантролем уладаў.
Сканчае ж аўтар тым, што называе недарэчнай «выкаванку» — рашотку-грыль з беларускім арнаментам.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы73
Каментары