«Druhi biełaruski front»: Lenta.ru pałochaje rasijan biełaruskimi patryjotami
Rasijski resurs Lenta.ru apublikavaŭ artykuł niejkaha Paŭła Juryncava pad dvuchsensoŭnym zahałoŭkam «Druhi biełaruski front».
U materyjale aŭtar vykazvaje zakłapočanaść «vystupami biełaruskich nacyjanalistaŭ».
«Idei biełaruskich nacyjanalistaŭ padobnyja da idej polskich, ukrainskich i litoŭskich nacyjanalistaŭ», — kaža aŭtar.
«Taksama patryjoty (Biełarusi) ličać biełaruskimi šerah sučasnych terytoryj Rasii», — śćviardžaje Pavał, z čaho vynikaje, što biełaruski patryjot — heta vorah Rasii.
«Naziralniki ŭnutry krainy daŭno adznačajuć, što biełaruskija ŭłady ŭziali na ŭzbrajeńnie histaryčnyja simvały, jakija raniej byli pad niehałosnaj zabaronaj, jakimi tradycyjna karystajecca nacyjanalistyčnaja apazicyja», — piša aŭtar sa spasyłkaj na niejkich «naziralnikaŭ».
Asablivuju ŭvahu Pavał Juryncaŭ nadaje kłubu «Vajar», paraŭnoŭvajučy jaho z «Pravym siektaram».
A atrad «Pahonia», pavodle Lenty.ru, biez małoha «arhanizavaŭ adpraŭku moładzi na ŭschod Ukrainy».
Zakłapočanaść aŭtara taksama vyklikaje toje, što biełaruskich dabraachvotnikaŭ, što jeduć vajavać za Ukrainu, adzinadušna padtrymlivaje biełaruskaja intelihiencyja.
Razam z hetym Pavał pierakanany, što papularyzacyja vyšyvanki i jaje prasoŭvańnie ŭ hramadskaje žyćcio adbyvajecca pad niepasrednym kantrolem uładaŭ.
Skančaje ž aŭtar tym, što nazyvaje niedarečnaj «vykavanku» — rašotku-hryl ź biełaruskim arnamientam.
Kamientary