У Брусэлі затрыманы яшчэ адзін падазраваны ў арганізацыі серыі выбухаў у аўторак, паведамляюць бельгійскія СМІ са спасылкай на крыніцы ў праваахоўных органах.
Аднак, насуперак ранейшым паведамленням, гэта не трэці асноўны падазраваны Наджы Лаашраўі, які ўцёк з аэрапорта пасля выбухаў. Асоба затрыманага пакуль не ўстаноўлена.
Лашраўі быў зняты ў аэрапорце камерай вонкавага назірання, калі ішоў з каляскай разам з двума смяротнікамі, пазней ідэнтыфікаванымі як браты Халід і Брахім Бакраўі, незадоўга да таго, як у зоне вылету прагрымелі два выбухі.
Як паведамляе бельгійскі тэлеканал RTBF, раней браты Бакраўі ўжо траплялі ў поле зроку паліцыі ў якасці падазраваных па іншых справах, аднак пра іх сувязі з тэрарыстамі да ўчорашняга дня нічога вядома не было.
Па дадзеных канала, Халід Бакраўі пад выдуманым імем зняў кватэру ў брусэльскім раёне Фарэ, дзе на мінулым тыдні ў перастрэлцы з паліцыяй быў забіты ўзброены мужчына.
Лаашраўі ужо быў абвешчаны ў вышук па справе аб лістападаўскіх выбухах у Парыжы, якія забралі жыцці 130 чалавек.
Цяпер чытаюць
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі10
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары