Нацыяналісты спрабавалі сарваць жалобнае мерапрыемства ў Брусэлі: супраць іх ужылі вадамёты
Паліцыя ўжыла вадамёты для разгону агрэсіўна настроенага натоўпу ў цэнтры бельгійскай сталіцы. Нягледзячы на адмену запланаванага шэсця, акцыя ў памяць ахвяр тэрактаў усё роўна адбылася.
У цэнтры Брусэля праварадыкалы паспрабавалі ў нядзелю, 27 сакавіка, сарваць жалобнае мерапрыемства ў памяць пра ахвяр тэрактаў у аэрапорце і метро. Некалькі сотняў агрэсіўна настроеных маладых людзей сабраліся ў цэнтры бельгійскай сталіцы. Яны выкрыквалі нацыяналістычныя лозунгі і спрабавалі трапіць да імправізаванага мемарыяла на адной з цэнтральных плошчаў.
Паліцыя ўжыла вадамёты для разгону агрэсіўна настроенага натоўпу. Каля 10 чалавек затрыманыя.
Напярэдадні ўлады папрасілі адмяніць запланаваную на нядзелю акцыю ў памяць ахвяр тэрактаў пад назвай «Марш супраць страху». Міністр унутраных спраў Бельгіі Ян Ямбон і бургамістр Брусэля Іван Маёр папрасілі людзей не збірацца на дэманстрацыю, бо паліцыя перагружаная працай з-за тэрарыстычнай пагрозы і не зможа належным чынам гарантаваць бяспеку ўдзельнікаў акцыі.
Тым не менш у нядзелю ад 500 да 1000 чалавек сабраліся ў цэнтры Брусэля, каб ушанаваць памяць ахвяр трагедыі.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону58
Каментары