Новае піва цалкам адпавядае нямецкаму закону аб чысціні піваварства.
У юбілейны для сябе год ААТ «Лідскае піва» выпусціла новы флагманскі прадукт — піва «Лiдскае. Легенда».
Новы прадукт прысвечаны заснавальніку прадпрыемства Носелю Пупко.
«Лiдскае. Легенда» — светлае піва з мяккім смакам, прыемным хмелевым водарам і лёгкім саладовым паслясмакам. У лінейцы гатункаў брэнда «Лідскае» падобнага па балансе піва да 2016 года не было: усе напоі сыходзілі ў бок лёгкасці або паўнаты, або павышанага ўтрымання алкаголю.
Пры варэнні выкарыстоўваўся нізавы спосаб закісання. «Лiдскае. Легенда» цалкам адпавядае нямецкаму закону аб чысціні піваварства: у склад уваходзяць толькі традыцыйныя інгрэдыенты без замутняльнікаў, кансервантаў і стабілізатараў.
Разліў «Лiдскага. Легенды» пачаўся 15 красавіка. А на прылаўках першая партыя новага прадукту з'явілася сёння, 19 красавіка. Каштаваць яно мае парадку 15 000 рублёў за 0,5 літра ў шкляной бутэльцы. Таксама «Лiдскае. Легенда» будзе выпускацца ў ПЭТ-упакоўцы 1 і 1,5 літра.
У новым лагатыпе ААТ «Лідскае піва» сфакусавалася на назове і сімвале кампаніі — аленю. Этыкетка флагманскага прадукта — беларускамоўная.
«Сёння наша задача — нагадаць беларусам, што кожны можа стаць легендай. Галоўнае — захацець!» — кажа гендырэктар «Лідскага піва» Аўдрус Мікшыс.
Новы фірмовы стыль будзе выкарыстаны для гатункаў ўсёй лінейкі брэнда «Лідскае», абяцаюць на прадпрыемстве.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім6
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3232
Каментары