Беларусь зноў у дзясятцы краін з найгоршай сітуацыяй у галіне свабоды прэсы
Міжнародная праваабарончая арганізацыя Freedom House зноў аднесла Беларусь у дзясятку краін і тэрыторый з найгоршай сітуацыяй у галіне свабоды прэсы. Свежыя аналітычныя звесткі ўтрымліваюцца ў дакладзе «Свабода прэсы — 2016», апублікаваным на афіцыйным сайце арганізацыі.
Freedom House прыводзіць агульны рэйтынг для 195 дзяржаў і чатырох асобных тэрыторый — Ганконга, Крыма, Самалілэнда, Заходняга берага Іардана і сектара Газа.
Беларусь апынулася на шостым месцы з канца, атрымаўшы статус краіны з несвабоднай прэсай. Горш, чым у Беларусі, сітуацыя толькі ў Паўночнай Карэі, Туркменістане, ва Узбекістане, у Крыме і Эрытрэі.
Праваабаронцы складаюць рэйтынг на аснове ацэнак прававога, палітычнага і эканамічнага асяроддзя, дзе чым меншая атрыманая колькасць балаў, тым лепш. Так, сітуацыя з палітычным асяроддзем у Беларусі крыху змянілася ў станоўчы бок, атрымаўшы 34 балы з 40. Для параўнання, у дакладзе за 2015 год Freedom House ацаніла беларускае палітычнае асяроддзе на 36 балаў.
Прававое і эканамічнае асяроддзе ў Беларусі за год не змянілася — адпаведна 29 і 28 балаў з 30.
Звесткі па Беларусі ў новым дакладзе аб сітуацыі са свабодай прэсы пададзеныя толькі ў статыстычнай табліцы і адзначаныя на інтэрактыўнай карце. Асаблівых заўваг ў тэксце даклада пра Беларусь няма.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары