Грамадзяне Украіны сталі часцей размаўляць на ўкраінскай мове як дома, так і на працы.
Пра гэта сведчаць вынікі апытання, праведзенага Цэнтрам Разумкова 11-23 снежня 2015 ва ўсіх рэгіёнах Украіны за выключэннем Крыма і акупаваных тэрыторый Данецкай і Луганскай абласцей.
Большасць — 60% — грамадзян лічаць роднай мовай украінскую, 15% — рускую, 22% — і ўкраінскую, і рускую ў роўнай ступені, 2% рэспандэнтаў лічаць роднымі іншыя мовы.
У 2006 годзе ўкраінскую мову як родную адзначылі 52% рэспандэнтаў, рускую — 31%, украінскую і рускую ў роўнай ступені — 16%, іншыя мовы — 1%.
На Захадзе і ў Цэнтры для большасці роднай мовай з'яўляецца ўкраінская (адпаведна, 93% і 78%). На Поўдні і Усходзе блізкія долі рэспандэнтаў называюць роднымі ўкраінскую і дзве мовы ў роўнай ступені (адпаведна, 35% і 38%, і 37% і 34%).
На Данбасе адносная большасць (40%) рэспандэнтаў лічаць роднай рускую мову, дзве мовы — 34%, украінскую — 20%.
Такім чынам, доля грамадзян, якія лічаць роднай мовай украінскую, а таксама дзве мовы адначасова — павялічылася, рускую мову — зменшылася.
Дома 44% рэспандэнтаў размаўляюць на ўкраінскай мове, 5% — пераважна па-ўкраінску. 13% апытаных размаўляюць дома на рускай мове, 11% — пераважна на рускай. 25% грамадзян камунікуюць дома часам на ўкраінскай, часам — на рускай, 1,4% — на іншых мовах. У 2006 годзе 39% апытаных дома размаўлялі на ўкраінскай мове, 7% — пераважна на ўкраінскай, 15% — часам на ўкраінскай, часам на рускай, 28% — на рускай, 10% — пераважна на рускай.
40% апытаных камунікуюць па-за домам на ўкраінскай мове, 6% — пераважна па-ўкраінску. 12% рэспандэнтаў камунікуюць на рускай мове, 11% — пераважна на рускай. 29% рэспандэнтаў камунікуюць на дзвюх мовах — украінскай і рускай.
У 2005 годзе на пытанне «На якой мове вы часцей камунікуеце на працы?» аднолькавыя долі (па 37%) рэспандэнтаў адказалі, што размаўлялі на ўкраінскай і рускай мовах, на дзвюх мовах — 21%.
Усяго быў апытаны 10 071 рэспандэнт ва ўзросце ад 18 гадоў. Тэарэтычная хібнасць выбаркі — 1%.
Цяпер чытаюць
Былы беларускі ваяр суткі катаваў свайго сябра, а пасля забіў сябе1
Каментары