Узброены мужчына, які напаў на кінатэатр і адкрыў агонь, забіты паліцэйскімі, паведаміў міністр унутраных спраў зямлі Гесэн Петэр Бойт.
Невядомы мужчына напаў на наведвальнікаў кінатэатра ў нямецкім горадзе Фірнхайм, што ў зямлі Гесэн на захадзе Германіі.
Паведамляецца, што больш за 20 чалавек маюць патрэбу ў медыцынскай дапамозе, шмат хто ў сувязі з тым, што атрымалі атручэнне слёзатачывым газам.
Паводле дадзеных Bild, узброены мужчына ўвайшоў у кінатэатр Kinopolis у гандлёвым цэнтры. У руках у яго быў пісталет, а на плячы — патранташ.
Ён стрэліў у паветра, пасля чаго ў кінатэатры пачалася паніка, і людзі спрабавалі пакінуць будынак.
Кінатэатр быў ачэплены паліцыяй.
Мясцовая прэса паведамляе, што ўзброены мужчына ўвайшоў у кінатэатр каля трох гадзін дня па мясцовым часе.
Frankfurter Allgemeine піша, што пакуль незразумела, ці быў напад здзейснена з ідэалагічных меркаванняў, ці ж гаворка ідзе пра няўдалае рабаванне.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары