Лідары правацэнтрысцкай кааліцыі беларускай апазіцыі 4 ліпеня праводзяць у Мінску першы пікет па зборы подпісаў за патэнцыйнага кандыдата ў дэпутаты парламента.
У пікеце за вылучэнне кандыдатам намесніка старшыні руху «За Свабоду» Юрася Губарэвіча, арганізаваны каля ўваходу ў Цэнтральны батанічны сад, акрамя яго самога ўдзельнічаюць старшыня Аб'яднанай грамадзянскай партыі Анатоль Лябедзька і сустаршыня аргкамітэта па стварэнні партыі «Беларуская хрысціянская дэмакратыя» Віталь Рымашэўскі.
Юрась Губарэвіч: «У руху «За Свабоду» было 48 заявак, уключаныя толькі два кандыдаты ў акруговыя камісіі па Віцебскай вобласці. У АГП — адзін прадстаўнік. Гэта сведчыць аб тым, што выкарыстоўваецца старая практыка неўключэння незалежных апазіцыйных прадстаўнікоў у выбарчыя камісіі. Асабіста я лічу, што такая пазіцыя Лідзіі Ярмошынай у дачыненні да вылучэнцаў ад руху «за Свабоду» — гэта помста за тое, што летась падчас прэзідэнцкіх выбараў мы раскрылі яе сумесную з Таццянай Караткевіч махінацыю».
Анатоль Лябедзька: «Мы маем намер падчас гэтай кампаніі сабраць доказы яе нелегітымнасці, таго, што яна праводзіцца не ў адпаведнасці стандартам АБСЕ».
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары