У Насты і Сашы з Гомеля пасля шасці сыноў нарадзілася доўгачаканая дачка
Настасся і Аляксандр Траскевічы разам ужо 16 гадоў. У лістападзе гэтага года ў шматдзетных бацькоў здзейснілася мара пра дачку, а ў іх шасці сыноў — пра сястру.
«Не паверыў сваім вушам, калі жонка пасля УГД паведаміла пол будучага дзіцяці. Насця і сама думала, што доктарка памылілася, таму прасіла пераправерыць вынік, бо да гэтага стабільна нараджаліся толькі хлопчыкі», — згадвае Аляксандр.
Настасся і Аляксандр пазнаёміліся яшчэ ў школьныя гады. Пасля выпуску іх адносіны прынялі сур'ёзны абарот, піша выданне «Белка».
«Мы вельмі добра ладзілі, як кажуць, сустрэлі родныя душы. Нам абаім хацелася дзяцей, так што першынца я нарадзіла рана. Мы разумелі, што старэйшы сын Даніла будзе не адзіным дзіцем. За два гады нарадзіўся Андрэй, яшчэ за чатыры — Саша, далей Косцік, яму цяпер сем гадоў, на два гады за яго маладзейшы Ілья. І самыя малыя ў нас — паўтарагадовы Ігнат і двухмесячная Насця», — расказвае Настасся.
Пра з'яўленне дзяўчынкі марыла ўся сям'я. Трынаццацігадовы Саша нават жартам скардзіўся ў школе, маўляў, ва ўсіх ёсць сястрычкі, а ў іх з братамі няма.
Бацькі прызнаюцца, што пасля трэцяга дзіцяці колькасць дзяцей у сям'і ўжо не асабліва ўплывае на нагрузку дарослых. Працэсы выхавання і падзел абавязкаў выпрабаваныя не раз, таму з'яўленне сёмага малога іх быт кардынальна не памяняла.
Настасся ўдзячная мужу, што ён часта бярэ на сябе прыбіранне, гатаванне, шпацыры.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары