24 траўня ля крутой павароткі на Плешчаніцы легкавік сутыкнуўся з грузавіком. За рулём легкавіка быў 19‑гадовы мянчук, у салёне — яшчэ тры пасажыры. Дарога была мокрай, ішоў моцны дождж.
24 траўня на 62‑м кілямэтры дарогі Менск—Віцебск, ля крутой павароткі на Плешчаніцы легкавая машына «Фальксваген» сутыкнулася з грузавіком «МAN». За рулём легкавіка быў 19‑гадовы мянчук, у салёне — яшчэ тры пасажыры. Дарога была мокрай, ішоў моцны дождж.
Пасьля сутыкненьня грузавік працягнуў машыну яшчэ каля ста мэтраў па ўзбоччы й скінуў пад адхон. У дадак да ўсяго кабіна грузавіка павалілася проста на дах легкавой машыны. Машыну скамечыла так, што спатрэбілася яе разразаць, каб дастаць целы загінулых.
Фальксваген, які кіраваўся ў Полацк, далей па трасе, каля Бягомля, чакалі сваякі. Калі маўчаньне мабільнага тэлефона надта зацягнулася, яны паехалі насустрач…
Кіроўца грузавіка сур’ёзна не пацярпеў.
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары