Уральскі акруговы выязны ваенны суд прысудзіў афіцэра 201-й расійскай базы ў Таджыкістане Івана Шчарбакова да 12 гадоў турмы, прызнаўшы яго вінаватым у забойстве 22-гадовай жыхаркі Душанбэ Шаіры Джабіравай.
Афіцэр Іван Шчарбакоў асуджаны па частцы 1 артыкула 105 КК РФ (забойства). Расійскі вайсковец сваю віну цалкам прызнаў. Судовы працэс праходзіў на тэрыторыі расійскай вайсковай базы ў Душанбэ. У сувязі з характарам справы яна слухалася ў закрытым рэжыме без удзелу СМІ.
Забойства маладой жанчыны было здзейснена ў ноч на 5 лістапада мінулага года. Цела Шаіры Джабіравай са слядамі жорсткага збіцця знайшлі ў скрынцы на сметніку недалёка ад расійскай ваеннай базы.
Расследаваннем справы займалася група следчых з Таджыкістана і Расіі сумесна з камандаваннем 201-й ваеннай базы, дзе служыў Шчарбакоў.
Згодна з матэрыяламі крымінальнай справы, канфлікт паміж Іванам Шчарбаковым і Шаірай Джабіравай паўстаў з-за грошай. Загінулая працавала ў адным з начных клубаў Душанбэ і нярэдка аказвала кліентам установы інтымныя паслугі.
У ноч забойства жанчына разам з расійскім вайскоўцам прыехала ў размяшчэнне ваеннага гарадка. Пры праверцы дакументаў на КПП яна назвалася яго жонкай.
Па версіі следства, маладыя людзі пасварыліся: загінулая запатрабавала грошы загадзя, а ў Шчарбакова іх не аказалася. Пасля слоўнай сваркі адбылася бойка, падчас якой жанчына атрымала цяжкія цялесныя пашкоджанні.
Раней расійскага афіцэра абвінавачвалі таксама ў згвалтаванні загінулай. Але, як заключыла судмедэкспертыза, паміж Шчарбаковым і Джабіравай у ноч забойства не было інтымнай сувязі.
-
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс
-
Злучаныя Штаты могуць скараціць колькасць сваіх войскаў у Еўропе на 30%
-
Настаяцель манастыра Шаалінь трапіў пад следства па падазрэнні ў растратах і амаральным ладзе жыцця
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос8
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4848
Каментары