Кастрычніцкім (Мінска) раённым аддзелам Следчага камітэта ў дачыненні да мінчанкі 1960 года нараджэння распачатая крымінальная справа па ч. 1 арт. 366 КК (гвалт альбо пагроза ў дачыненні да службовай асобы, якая выконвае службовыя абавязкі).
Як паведамляе Дзяржаўны памежны камітэт Беларусі, 11 ліпеня жанчына праходзіла пашпартны кантроль у нацыянальным аэрапорце Мінск. Яна збіралася вылецець ва Украіну рэйсам «Мінск — Кіеў».
У ходзе праверкі грамадзянка прад'явіла несапраўдны дакумент. Пасля заключэння шлюбу ў лістападзе 2015 года яна да гэтага часу не памяняла пашпарт, хоць абавязаная была гэта зрабіць у 30-дзённы тэрмін.
Пачуўшы, што запланаваную паездку ёй давядзецца адмяніць, жанчына вырашыла спагнаць сваю злосць у літаральным сэнсе на супрацоўніку памежнай службы. Пры афармленні дакументаў па канфіскацыі пашпарта беларуска кінула нізку ключоў у твар памежніку. У выніку афіцэру былі прычыненыя лёгкія цялесныя пашкоджанні.
Жанчыне пагражае пакаранне ў выглядзе штрафу, папраўчых работ, арышту, абмежавання волі на тэрмін да пяці гадоў альбо пазбаўлення волі на той жа тэрмін.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары