30 жніўня прыкладна ў 19.30, больш за 100 чачэнцаў, якія знаходзіліся каля беларускага пагранічнага пераходу «Брэст» на беларуска-польскай мяжы і якіх польскія пагранічнікі не прымаюць у якасці бежанцаў, разышліся. Пра гэта паведаміў БелаПАН праваабаронца Раман Кісляк.
«Сёння яны накіравалі зварот да прадстаўнікоў чачэнскай дыяспары ў Польшчы, спадзеючыся, што пасля гэтага іх праблема пачне вырашацца», — сказаў праваабаронца.
Як раней паведамляў БелаПАН, днём 29 жніўня каля пагранічнага пераходу сабралася каля 200 чачэнцаў, якія беспаспяхова спрабавалі перасекчы мяжу праз гэты аўтадарожны пункт пропуску на аўтобусе, а таксама цягніком Брэст — Цярэспаль.
Такім чынам бежанцы з Чачні хацелі прыцягнуць увагу польскага боку да сваёй праблемы. Паводле слоў некаторых, яны жывуць у Брэсце некалькі месяцаў і кожны дзень робяць спробы выехаць у Польшчу, каб атрымаць там статус бежанца. Чачэнцы кажуць, што пакідаюць радзіму, бо жыць там немагчыма. Больш за 100 з іх начавалі каля пагранпераходу.
Паводле звестак Кісляка, ніхто з чачэнцаў затрыманы не быў.
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку28
Каментары