Супрацоўнікі аддзела крымінальнага вышуку Маскоўскага РУУС Мінска раскрылі разбойны напад на 28-гадовага настаўніка ігры на саксафоне адной са сталічных музычных школ.
Як паведамілі ў Маскоўскім РУУС, злачынца трапіў у кватэру музыканта па знешняй газавай трубе праз прыадчыненае пластыкавае акно на кухні. Знаходзячыся на кухні і спрабуючы знайсці каштоўныя рэчы, ён разбудзіў гаспадара кватэры, аднак гэта рабаўніка не збянтэжыла. Убачыўшы ў памяшканні мужчыну, ён схапіў са стала нож і стаў патрабаваць грошы і каштоўнасці. Атрымаўшы жаданае (550 даляраў ЗША), папрасіў выпусціць яго праз уваходныя дзверы і ўцёк.
У ходзе правядзення аператыўна-вышуковых мерапрыемстваў асоба злачынцы была высветленая. Нападнікам аказаўся 33-гадовы раней судзімы жыхар Мядзельскага раёна, які на момант здзяйснення злачынства ўжо адбываў пакаранне за раней здзейсненае хуліганства ў калоніі адкрытага тыпу ў Віцебскай вобласці і быў адпушчаны ў чатырохдзённы адпачынак. Мужчына затрыманы.
Маскоўскім РАСК у дачыненні да яго распачатая справа на падставе ч. 2. арт. 207 КК (разбой). Яму можа пагражаць да 15 гадоў пазбаўлення волі з канфіскацыяй маёмасці.
Цяпер чытаюць
Андрэй Швед, архітэктар рэпрэсій, прызначаны старшынёй Вярхоўнага суда13
Каментары