Прэзідэнт Філіпінаў Радрыга Дутэртэ, які назваў лідара ЗША Барака Абаму «сукіным сынам», выказаў шкадаванне аб сваім выказванні. Заяву ад асобы філіпінскага прэзідэнта ў аўторак зачытаў яго прадстаўнік, перадае Associated Press.
У заяве Дутэртэ адзначаецца, што яго «грубы каментар» у адказ на канкрэтныя пытанні рэпарцёра «выклікае непакой і крыўду». «Мы таксама шкадуем, што ён паслужыў выпадам у адрас прэзідэнта ЗША», — заявіў Дутэртэ.
Напярэдадні перад вылетам Дутэртэ на саміт АСЕАН у Лаосе журналісты папрасілі яго пракаментаваць паведамленні аб планах Абамы закрануць на двухбаковай сустрэчы тэму пазасудовых пакаранняў смерцю на Філіпінах.
Дутэртэ на гэта адказаў, што ён — прэзідэнт суверэннай дзяржавы, якая «ўжо даўно перастала быць калоніяй», і ў яго «няма ніякага гаспадара, апроч філіпінскага народа». Пры гэтым Дутэртэ дадаў: «Putang ina, я пракляну цябе на гэтым форуме». З тагальскай фраза «putang ina» перакладаецца, як «сукін сын».
Пазней прадстаўнік Рады нацбяспекі пры Белым доме Нед Прайс заявіў, што Абама адмяніў запланаваныя сустрэчы з Дутэртэ пасля абразы на свой адрас. Па словах Прайса, замест сустрэчы з філіпінскім калегам Абама сустрэнецца 6 верасня з прэзідэнтам Паўднёвай Карэі Пак Кын Хе.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»8
Каментары