Prezident Filipinaŭ Radryha Duterte, jaki nazvaŭ lidara ZŠA Baraka Abamu «sukinym synam», vykazaŭ škadavańnie ab svaim vykazvańni. Zajavu ad asoby filipinskaha prezidenta ŭ aŭtorak začytaŭ jaho pradstaŭnik, pieradaje Associated Press.
U zajavie Duterte adznačajecca, što jaho «hruby kamientar» u adkaz na kankretnyja pytańni reparciora «vyklikaje niepakoj i kryŭdu». «My taksama škadujem, što jon pasłužyŭ vypadam u adras prezidenta ZŠA», — zajaviŭ Duterte.
Napiaredadni pierad vyletam Duterte na samit ASIEAN u Łaosie žurnalisty paprasili jaho prakamientavać paviedamleńni ab płanach Abamy zakranuć na dvuchbakovaj sustrečy temu pazasudovych pakarańniaŭ śmierciu na Filipinach.
Duterte na heta adkazaŭ, što jon — prezident suvierennaj dziaržavy, jakaja «ŭžo daŭno pierastała być kałonijaj», i ŭ jaho «niama nijakaha haspadara, aproč filipinskaha naroda». Pry hetym Duterte dadaŭ: «Putang ina, ja praklanu ciabie na hetym forumie». Z tahalskaj fraza «putang ina» pierakładajecca, jak «sukin syn».
Paźniej pradstaŭnik Rady nacbiaśpieki pry Biełym domie Nied Prajs zajaviŭ, što Abama admianiŭ zapłanavanyja sustrečy z Duterte paśla abrazy na svoj adras. Pa słovach Prajsa, zamiest sustrečy ź filipinskim kaleham Abama sustreniecca 6 vieraśnia z prezidentam Paŭdniovaj Karei Pak Kyn Chie.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny23
Kamientary